لیہ : ڈسٹرکٹ پولیس آفیسر لیہ محمد علی وسیم نے ہونہار پاکستانی باکسر محمد علی کی عالمی سطح پر کامیابی کے لیے نیک خواہشات کا اظہار کیا ہے۔ انہوں نے کہا کہ امید ہے کہ محمد علی ایشین ٹائٹل جیت کر نہ صرف وطن عزیز بلکہ ضلع لیہ کا بھی نام روشن کریں گے۔

ڈی پی او محمد علی وسیم نے کہا:

"محمد علی کی جیت پوری قوم کے لیے اور خصوصاً لیہ کے عوام کے لیے فخر کا لمحہ ہو گی۔ نوجوان باکسر کی محنت، جذبہ اور عزم قابلِ تعریف ہے۔”

• لیہ سے تعلق رکھنے والے یہ نوجوان باکسر عالمی باکسنگ تنظیم WBC (World Boxing Council) Asia Welterweight کے فائنل میں پہنچ چکے ہیں۔
• فخرِ لیہ محمد علی نے راؤنڈز کے مقابلوں میں شاندار کارکردگی دکھا کر فائنل تک رسائی حاصل کی۔
• یہ معرکہ خیز فائٹ "Night of Champions” ایونٹ میں ہوگی۔
• محمد علی کا مقابلہ بھارتی سکھ باکسر اندر باسی سے ہوگا۔
• فائٹ 05 اکتوبر کو پاکستانی وقت کے مطابق رات 2 بجے مانچسٹر (انگلینڈ) میں کھیلی جائے گی۔
• یہ مقابلے ایشین باکسنگ کونسل کے زیرِ اہتمام منعقد ہو رہے ہیں۔

یہ امر بھی قابل ذکر ہے کہ باکسر محمد علی دنیا کے پہلے پروفیشنل باکسر ہیں جو شوگر کے مریض ہونے کے باوجود عالمی سطح کے مقابلوں میں حصہ لے رہے ہیں، جسے کھیلوں کی تاریخ میں ایک بڑی کامیابی قرار دیا جا رہا ہے۔