عوامی سہولیات کو مدنظر رکھتے ہوئے سہولت آن دا گو بازاروں کی تعمیر آخری مراحل میں داخل ہو گئی ہے۔ اس حوالے سے ڈپٹی کمشنر لیہ آصف علی ڈوگر کی ہدایت پر ایڈیشنل ڈپٹی کمشنر جنرل شبیر احمد ڈوگر نے لیہ مائنر کے مقام پر زیرِ تعمیر سہولت آن دا گو بازار کا تفصیلی معائنہ کیا اور جاری ترقیاتی کام کا جائزہ لیا۔اے ڈی سی جنرل شبیر احمد ڈوگر نے متعلقہ افسران کو ہدایت کی کہ بازار کا باقی ماندہ تعمیراتی کام جلد از جلد مکمل کیا جائے تاکہ اسے مقررہ مدت میں عوام کے لیے کھولا جا سکے۔ انہوں نے واضح کیا کہ سہولت آن دا گو بازار کو رمضان المبارک سے قبل مکمل طور پر آپریشنل کیا جائے تاکہ شہریوں کو ایک ہی جگہ پر معیاری فروٹ، سبزی اور گوشت جیسی ضروری اشیاء دستیاب ہو سکیں۔aنہوں نے کہا کہ سہولت آن دا گو بازار ضلع لیہ میں ایک خوبصورت اضافہ ثابت ہوگا، جہاں ایک ہی طرز کے جدید اور معیاری آؤٹ لیٹس قائم کیے گئے ہیں، جس سے نہ صرف شہر کی خوبصورتی میں اضافہ ہوگا بلکہ عوام کو خریداری میں بھی سہولت میسر آئے گی۔