بیجنگ کے کیپیٹل انٹرنیشنل ایئرپورٹ پر پیپلز پولیٹیکل کنسلٹیٹو کانفرنس کی بیجنگ میونسپل کمیٹی کی رکن محترمہ ہین زیرونگ، چین میں تعینات پاکستان کے سفیر خلیل ہاشمی اور سفارتی عملے نے وزیراعظم کو الوداع کہا۔
اپنے دورۂ چین کے دوران وزیراعظم محمد شہباز شریف نے تیانجن میں ہونے والے شنگھائی تعاون تنظیم (SCO) کے سربراہان مملکت کے 25ویں اجلاس اور شنگھائی تعاون تنظیم پلس اجلاس میں شرکت کی۔
وزیراعظم نے فاشزم کے خلاف عالمی جنگ کی 80ویں سالگرہ کی تقریبات میں بھی شرکت کی۔ اس کے علاوہ انہوں نے چین کے صدر اور وزیراعظم سمیت روس، ایران، ترکیہ، آذربائیجان اور تاجکستان کے صدور سے دو طرفہ ملاقاتیں کیں۔
وزیراعظم نے اپنے دورے کے دوران دوسری چین-پاکستان بزنس ٹو بزنس کانفرنس میں بھی شرکت کی، جس میں سرمایہ کاری اور اقتصادی تعاون کے نئے مواقع پر بات چیت ہوئی۔
Source:
PID Multan
