عیدمیلاد النبی کے سلسلہ میں تقاریب کا سلسلہ جاری ہے ۔ اس سلسلہ میں ڈپٹی کمشنر امیرابیدار کی ہدایت محکمہ تعلیم اور میلاد کمیٹی کے زیراہتمام گورنمنٹ ایم سی ہائی سکول میں مقابلہ نعت ،حسن قرات وتقاریرکے مقابلے منعقد ہوئے ۔تقریب کے مہمان خصوصی ایڈیشنل ڈپٹی کمشنرجنرل شبیراحمدڈوگر تھے۔اس موقع پرسکول و دینی مدارس کے طلبہ نے نعت ،قرات اور تقاریرمیں حصہ لیا۔ قرات میں حصہ پرائمری میں سے اول دوم سوم بالترتیب محمد مدثر حیدر، محمد ضمیر ،محمد سلیم ،حصہ مڈل میں سے سرمد حسن، محمد ریاض مزمل اعجاز، حصہ ہائی میں سے محمد حبیب الرحمن، محمد عبداللہ ،مدثر اعجاز،دینی مدارس میں اول دوم سوم محمد ثقلین ،محمد سفیان ،محمد سمیع اللہ، مقابلہ حسن نعت میں حصہ مڈل میں احمد رضا قریشی، محمد جلال، شاہ زیب،حصہ ہائی میں محمد بن اعجاز ،محمد طیب ،فیاض حسین،
دینی مدارس میں اول محمد اسماعیل، دوم محمد عبداللہ جبکہ تقاریر کے مقابلوں میں حصہ مڈل میں اول محمدعزیز،دوئم محمدصائم،حصہ ہائی میں اول دوم سوم محمد ارسلان وزیر ،محمد راشد ،محمد بن اعجاز نے پوزیشن حاصل کی۔نعت میں ججز کے فرائض محمد عمران بریال، انورسعید قاری ،قاری لقمان ،قرت میں ججز کے فرائض قاری اسماعیل نظامی ،قاری طاہر علی نور ،قاری عبدالطیف باروی نے انجام دیے۔اس موقع پر ایڈیشنل ڈپٹی کمشنر جنرل شبیراحمدڈوگر نے اظہار خیال کرتے ہوئے کہاکہ عید میلاد النبیؐ کی تقریبات دراصل محبتِ رسول ﷺ کے اظہار کا بہترین ذریعہ ہیں۔ انہوں نے کہا کہ نوجوان نسل کو ایسی تقاریب کے ذریعے دین کی اصل روح سے آشنا کرنا وقت کی اہم ضرورت ہے تاکہ وہ برداشت اور بھائی چارے کے ساتھ معاشرے کی خدمت کر سکیں۔ انہوں نے مزید کہا کہ مقابلہ نعت، قرأت اور تقاریر نہ صرف بچوں میں اعتماد پیدا کرتے ہیں بلکہ انہیں اپنی صلاحیتوں کو مثبت انداز میں پیش کرنے کا موقع بھی فراہم کرتے ہیں۔
