لیہ (لیہ میڈیا ہاؤس) — آزادی کے سفر کی یادگار داستان ’’معرکۂ حق‘‘ سے لے کر ’’تحفظِ آزادی‘‘ تک، ضلع لیہ میں جشنِ آزادی کے میگا پروگراموں کا سٹیج سج گیا۔ ضلعی انتظامیہ نے 14 اگست کو شایانِ شان طریقے سے منانے کے لیے تمام تر تیاریاں مکمل کر لی ہیں۔

شیڈول کے مطابق مرکزی تقریب 14 اگست کو ڈی پی ایس بوائز ونگ میں منعقد ہوگی۔ تقریب کا آغاز صبح 9 بجے سائرن، پرچم کشائی اور قومی ترانہ سے ہوگا، جس کے بعد 9 بجکر 15 منٹ پر پولیس اور ریسکیو کے چاق و چوبند دستے سلامی پیش کریں گے۔ مرکزی تقریب صبح 10 بجے باضابطہ شروع ہوگی۔ اسی روز ڈی پی ایس گرلز ونگ میں ’’ہیومن فلیگ‘‘ کا شاندار مظاہرہ پیش کیا جائے گا۔

دن 12 بجے دارالامان کی خواتین، بچوں اور ڈی ایچ کیو ہسپتال کے مریضوں میں مٹھائی تقسیم کی جائے گی۔ جشنِ آزادی کی سرگرمیوں کا آغاز 13 اگست کی شام 8 بجے سپورٹس کمپلیکس میں ثقافتی جھومر اور محفلِ موسیقی سے ہوگا، جبکہ رات 11 بجکر 55 منٹ پر آتش بازی کا دلکش مظاہرہ 14 اگست کا استقبال کرے گا۔

یومِ آزادی کے دن صبح 8 بجے ڈی سی آفس اور تمام سرکاری دفاتر میں قومی پرچم کشائی ہوگی، شام 5 بجے شہر کے مرکزی داخلی مقامات پر سبز و سفید غبارے فضا میں چھوڑے جائیں گے، جبکہ ’’گرین پنجاب مہم‘‘ کے تحت ضلع بھر میں بڑے پیمانے پر شجرکاری بھی کی جائے گی