لیہ :ایڈیشنل ڈپٹی کمشنر جنرل شبیر احمد ڈوگر کی زیر صدارت ڈسٹرکٹ ویجیلنس کمیٹی کا اجلاس منعقد ہوا۔ اجلاس میں ڈی ایس پی محمد حیات، مختلف محکموں کے افسران، بھٹہ خشت یونین اور مزدور یونین کے نمائندگان نے شرکت کی۔

ایڈیشنل ڈپٹی کمشنر جنرل شبیر احمد ڈوگر نے اجلاس سے خطاب کرتے ہوئے کہا کہ مزدور طبقہ معیشت کی ریڑھ کی ہڈی ہے، ان کے حقوق کے تحفظ کے لیے تمام وسائل بروئے کار لائے جائیں گے۔

انہوں نے ہدایت کی کہ تمام بھٹہ خشت اور فیکٹری مالکان مزدوروں کے سوشل سیکورٹی کارڈز کے اجراء میں بھرپور تعاون کریں تاکہ کوئی مزدور بنیادی سہولیات سے محروم نہ رہے۔

شبیر احمد ڈوگر نے کہا کہ سوشل سیکورٹی کارڈز مزدوروں کا بنیادی حق ہیں اور حکومت پنجاب نے راشن کارڈ سکیم بھی متعارف کرائی ہے تاکہ مستحق مزدوروں کو ریلیف فراہم کیا جا سکے۔

انہوں نے مزید کہا کہ چائلڈ لیبر اور جبری مشقت کے خلاف زیرو ٹالرینس پالیسی اپنائی گئی ہے اور تمام متعلقہ اداروں کو ہدایت کی گئی ہے کہ اس ضمن میں مؤثر کارروائیاں یقینی بنائیں۔