لاہور: وزیراعلیٰ پنجاب مریم نواز شریف کی زیر صدارت اجلاس میں بتایا گیا کہ 6 فلیگ شپ ہیلتھ پراجیکٹس کے تحت اب تک 2 کروڑ 10 لاکھ مریضوں کو علاج فراہم کیا جا چکا ہے۔کلینک آن ویل کے ذریعے 1 کروڑ 82 لاکھ مریض مستفید ہوئے، 70 لاکھ الٹراساؤنڈ اور 12 لاکھ بچوں کی ویکسینیشن کی گئی، جبکہ فیلڈ ہسپتالوں میں 28 لاکھ مریضوں کا علاج ہوا۔مزید بتایا گیا کہ 30 ہزار سے زائد مریضوں کو انسولین، ہیپاٹائٹس اور ٹی بی کی ادویات گھروں تک پہنچائی گئیں۔صوبے میں 1217 مراکز صحت کی ری ویمپنگ مکمل ہو چکی ہے، جبکہ مختلف مراحل میں مزید سینکڑوں مراکز پر کام جاری ہے.دل کے امراض کے لیے 4 اضلاع میں 1628 پروسیجرز (1055 انجیوگرافی، 559 انجیو پلاسٹی) کیے گئے۔وزیراعلیٰ نے کارکردگی پر اطمینان کا اظہار کرتے ہوئے صحت سہولیات مزید بہتر بنانے کی ہدایت کی۔