نواز شریف سکول آف ایمینینس لیہ کی انتظامیہ مہر طفیل لوہانچ اور سیف اللہ الحسینی کی دعوت پر ضلعی انجمن صحافیان لیہ اور ڈسٹرکٹ پریس کلب کے صحافیوں نے ادارے کا دورہ کیا۔ اس موقع پر مہر طفیل لوہانچ اور سیف اللہ الحسینی نے صحافیوں کو سکول کے مختلف شعبہ جات سے متعلق تفصیلی بریفنگ دی اور جدید لیبارٹریز اور کلاس رومز کا وزٹ بھی کروایا۔انہوں نے بتایا کہ نواز شریف سکول آف ایمینینس لیہ میں تعلیمی سرگرمیوں کا باقاعدہ آغاز جلد ہونے جا رہا ہے، جبکہ ادارے میں 7 مئی 2026 تک داخلوں کا عمل بھی شروع کیا جا چکا ہے۔ ان کا کہنا تھا کہ وزیراعلیٰ پنجاب مریم نواز کے ویژن کے تحت پنجاب ایجوکیشن فاؤنڈیشن کے تعاون سے پسماندہ علاقوں میں معیاری تعلیمی ادارے قائم کیے جا رہے ہیں، تاکہ طلبہ کو بہتر اور جدید تعلیمی سہولیات فراہم کی جا سکیں۔اس موقع پر ضلع بھر سے آئے صحافیوں نے مہر طفیل لوہانچ اور سیف اللہ الحسینی کو اس اہم تعلیمی اقدام پر مبارکباد پیش کی اور نیک خواہشات کا اظہار کیا۔