لیہ: سیلابی علاقوں میں ریسکیو 1122 کی سرگرمیاں، درجنوں افراد اور مویشی محفوظ مقامات پر منتقل
لیہ — ضلع لیہ کے سیلابی علاقوں میں ریسکیو 1122 کی ریسکیو اور ریلیف سرگرمیاں جاری ہیں۔ ڈسٹرکٹ ایمرجنسی آفیسر ڈاکٹر سجاد احمد کی ہدایت پر ٹیمیں مسلسل متاثرہ مقامات پر سرگرم ہیں اور عوام کی بروقت مدد کر رہی ہیں۔
پھوتی والا سے شہریوں کا انخلا
ریسکیو حکام کے مطابق بستی پھوتی والا سے 16 افراد کو ریسکیو کیا گیا جبکہ 302 افراد کو ایک جگہ سے دوسری جگہ منتقل کر کے محفوظ مقامات پر پہنچایا گیا۔ اس کے علاوہ 79 مویشیوں کو بھی نکال کر محفوظ مقام پر منتقل کیا گیا۔
دیگر سیلابی علاقوں میں سرگرمیاں
ڈاکٹر سجاد احمد کے مطابق، موجودہ ہنگامی صورتحال کے پیشِ نظر ریسکیو 1122 کی ٹیمیں درج ذیل علاقوں میں مسلسل فعال اور الرٹ ہیں:
- بیٹ مونگڑ
- بستی چھینہ کروڑ
- واڑاں سیہٹراں کروڑ
- موضع بسیرا
- بستی موہانہ ککٹروالا
- چانڈیہ والا پتن
- موضع لوہانچ نشیب
- جکھڑ پکا
- موضع شاہ والا
- بکھری احمد خان
- پھوتی والا
عوامی تحفظ اولین ترجیح
ریسکیو 1122 کے مطابق، سیلاب متاثرہ علاقوں میں شہریوں اور ان کے مویشیوں کو محفوظ مقام تک پہنچانا اولین ترجیح ہے اور اس مقصد کے لیے ٹیمیں فلڈ پوائنٹس پر دن رات ڈیوٹی سرانجام دے رہی ہیں
Source:
Muhammad Kamran Thind
Via:
Wasim Hayyat
