پاکستان اسٹاک ایکسچینج نے 1 لاکھ 50 ہزار پوائنٹس کی تاریخی سطح عبور کرلی – وزیرِاعظم کا اظہارِ اطمینان
اسلام آباد (19 اگست): پاکستان اسٹاک ایکسچینج (PSX) نے ایک نئی تاریخ رقم کرتے ہوئے ہنڈرڈ انڈیکس میں 1 لاکھ 50 ہزار بیسس پوائنٹس کی سطح عبور کرلی۔ اس موقع پر وزیرِاعظم محمد شہباز شریف نے اطمینان کا اظہار کرتے ہوئے کہا کہ یہ کامیابی کاروباری برادری اور سرمایہ کاروں کے حکومتی پالیسیوں پر اعتماد کا ثبوت ہے۔
معاشی ٹیم کی محنت کا اعتراف
وزیرِاعظم ہاؤس کے مطابق شہباز شریف نے کہا کہ اللہ کے فضل و کرم اور حکومت کی مؤثر پالیسیوں کی بدولت معیشت میں بہتری آئی ہے۔ انہوں نے معاشی ٹیم کی شب و روز کی محنت کو خراجِ تحسین پیش کرتے ہوئے کہا کہ ملک مشکل حالات سے نکل کر ترقی کی راہ پر گامزن ہے، تاہم مزید محنت درکار ہے۔
کاروباری برادری کو خراجِ تحسین
وزیرِاعظم نے سرمایہ کاروں اور تاجر برادری کے جذبے کو سراہتے ہوئے کہا کہ انہوں نے مشکل وقت میں بھی پاکستان میں معاشی سرگرمیاں جاری رکھیں، جو لائقِ تحسین ہے۔
روزگار اور سرمایہ کاری میں اضافہ
وزیرِاعظم شہباز شریف نے اس امید کا اظہار کیا کہ سرمایہ کاری اور کاروبار کی ترقی سے نہ صرف قومی معیشت مضبوط ہوگی بلکہ نوجوانوں کے لیے روزگار کے نئے مواقع بھی پیدا ہوں گے
