سیلاب ریسکیو آپریشن پنجاب

وزیراعلیٰ مریم نواز شریف ریلیف اقدامات

سیلاب زدگان کیلئے فیلڈ ہسپتال

پنجاب پولیس ریسکیو سیلاب

ریسکیو ٹیم جہیز بچانے کی مثال

Flood Relief Operations in Punjab

Punjab Police Rescue Flood Victims

………………………………………………………………………………………………………………………………………………………………………………………………………………………………………..

لاہور وزیراعلیٰ پنجاب مریم نواز شریف کی خصوصی ہدایت پر سیلاب زدگان کی مدد اور بحالی کے لیے ریسکیو و ریلیف آپریشن بھرپور انداز میں جاری ہے، جس میں صوبائی وزراء، کمشنرز، ڈپٹی کمشنرز اور دیگر اعلیٰ افسران خود فیلڈ میں موجود رہ کر متاثرہ خاندانوں کی امداد یقینی بنا رہے ہیں۔ اس آپریشن کے دوران ریسکیو ٹیموں نے دور دراز علاقوں میں بھی خدمت اور احساس کی شاندار مثالیں قائم کیں۔ ایک گاؤں کے مکین نے بیٹی کا جہیز پانی میں ڈوبنے کی اطلاع دی تو ریسکیو اہلکار فوری طور پر کشتی کے ذریعے وہاں پہنچے اور جہیز میں موجود چارپائیاں، پیٹیاں، کپڑے اور برتن بحفاظت نکال کر محفوظ مقام پر منتقل کر دیے، جس پر اہلِ دیہہ نے ریسکیو ٹیم کے جذبۂ خدمت کو زبردست سراہا۔

متاثرہ علاقوں میں فیلڈ ہسپتال اور کلینک آن ویل قائم

سیلاب متاثرہ اضلاع لاہور، سرگودھا، بہاولپور اور دیگر علاقوں میں فیلڈ ہسپتال اور کلینک آن ویل قائم کر دیے گئے ہیں، جہاں مریضوں کو گھروں کے قریب ہی ادویات، تشخیص اور علاج کی سہولت فراہم کی جا رہی ہے۔ بعض مقامات پر طبی عملہ لائف جیکٹ پہن کر پانی میں گھرا رہتے ہوئے بھی لوگوں کو طبی امداد فراہم کرتا رہا، جو ان کے جذبے اور فرض شناسی کی عکاسی کرتا ہے۔

سیلاب زدگان کیلئے ریسکیو و ریلیف آپریشن – وزیراعلیٰ مریم نواز شریف کی ہدایت پر خدمت کا سفر

پنجاب پولیس بھی ریسکیو و ریلیف مشن میں پیش پیش ہے۔ بہاولنگر اور دیگر علاقوں میں پولیس اہلکار کشتیوں کے ذریعے متاثرہ خاندانوں کو محفوظ مقامات تک منتقل کرتے رہے۔ کئی جگہوں پر پولیس کے جوان ننھے بچوں اور بزرگوں کو گود میں اٹھا کر پانی کے ریلے سے نکالتے رہے، جس پر عوام نے ان اہلکاروں کو خراجِ تحسین پیش کیا۔

ریسکیو اور پولیس ٹیموں کی بروقت کارروائیوں نے یہ ثابت کیا ہے کہ مشکل وقت میں پنجاب حکومت اور ادارے عوام کے ساتھ کھڑے ہیں۔ وزیراعلیٰ مریم نواز شریف کی ہدایت پر یہ آپریشن اس وقت تک جاری رہے گا جب تک تمام متاثرہ افراد کو محفوظ مقام اور بنیادی سہولتیں فراہم نہیں کر دی جاتیں۔