لیہ: ڈپٹی کمشنر امیرا بیدار کے احکامات اور سی ای او تعلیم عبدالقیوم کی ہدایت پر اے ای او محمد رمضان تھند نے گورنمنٹ ایلیمنٹری اسکول 132 ٹی ڈی اے کا دورہ کیا۔

لیہ: ڈپٹی کمشنر امیرا بیدار کے احکامات اور سی ای او تعلیم عبدالقیوم کی ہدایت پر اے ای او محمد رمضان تھند نے گورنمنٹ ایلیمنٹری اسکول 132 ٹی ڈی اے کا دورہ کیا۔

معائنے کے دوران انہوں نے مختلف کلاس رومز کا جائزہ لیا اور اساتذہ سے تعلیمی معیار مزید بہتر بنانے کے حوالے سے گفتگو کی۔ انہوں نے طلباء کو معیاری تعلیم کی فراہمی پر زور دیتے ہوئے کہا کہ یہ وقت کی اہم ضرورت ہے۔

محمد رمضان تھند نے اسکول کی صفائی ستھرائی کا بھی جائزہ لیا اور حکومتی ہدایت کے مطابق پانچ رنگوں کے ڈسٹ بن رکھنے کی ہدایت دی۔ اس موقع پر طلباء کو آگاہی دیتے ہوئے انہوں نے کہا کہ صاف ستھرا ماحول نہ صرف صحت کے لیے ضروری ہے بلکہ یہ ایک ذمہ دار شہری ہونے کی علامت بھی ہے۔

انہوں نے مزید اساتذہ کی حاضری، تدریسی سرگرمیوں اور بچوں کی کڈز ایکٹیویٹیز کا بھی معائنہ کیا اور مجموعی طور پر اسکول کی کارکردگی کو سراہا۔